Zobawk khawtlang in tiamchin awm lovin Total Band nei dawn.
Ni 12, April 2026 (Pathianni) tlai dar 3:00-a YMA run Zobawk Venglai-a Zobawk khawchhung a tlawmngaipawl hrang hrang, YMA Vengthar, Venglai, Bazar leh Venghlun Branch bakah MHIP Vengchhak leh Vengthlang leh MUP Vengchhak leh Vengthlang.( All NGO) leh Local Council Zobawk Norht & South Joint Committee chuan, kawngpui laihzau hna thawh mekah company lam intiamna te thlirin duhthusam lo leh beisei ang nilo hnathawh tam tak a awm niin an sawi a. An intiam anga hnathawh anih loh avangin khawtlang huap hmalaknain Total Band neih a nih tur thu an sawi a. Ni 16, April 2026 zing dar 6:00 atangin tiamchin awm awm lovin kawngpui dan tur-ah hian Zobawk mipui zawng zawngin an lungrual zia lan tir nan ruahmanna an siam bawk.
An ruahmanna siam :-
1) Duty tur leh hnatlang thawk tur hian mipui a tam thei ang ber beisei kan ni.
2) Zing dar 6:00 atangin duty tan tur ani a,tlawng leiah duty tur ani.
3) Zobawk khaw chhunga zirna in zawng zawng leh office zawng zawng khar vek tur ani
4) Lo lam hnathawk leh mahni awmhnun ah pawh tu mahin hnathawk lo tur a ngen kan ni
5) Dawr zawng zawng pawh hawng lo tura ngen kan ni
6) Force lam leh medical,bawnghnute sem leh media leh exam laklawh ang chi lo chu tu mah khua chhuahsan loh tur a ngen kan ni
7) In tinah puan dum zar vek tur ani..
Band hian eng chen nge a awh dawn hriat a ni lo va, veng chhung mipui te kan lo in ralrin theih nan leh kan lo in hmakhua theih nan kan han post a, ngenna hrang hrang hi zawm theuh tur leh excuse siam lo turin mipui te kan in ngen a ni, an ti bawk.
