ZPM hniam vang-a Congress phur in dawt in mipui thluak an su. K. Hrahmo MLA
BJP Mizoram chuan vawiin February ni 16, 2026 (Thawhtan) khan, BJP Mizoram State Office, Mipui Rûn, Upper Republic-ah Karthar Inhlanna leh Political Session neih a ni a. BJP State Vice President K. Hrahmo MLA in thu a sawi.
BJP State Vice President K. Hrahmo MLA chuan, Mizoram mipui duhdan a, Lengpui Airport chu AAI kuta hlan ni tawh si, tuna sorkar hmalakna en hian Mizo mipui leh NGO-te duh loh dan a, IAF kut ah a la awm mai a hlauhawm hlein a hriat a, BJP Mizoram pawhin Union Home Minister Amit Shah hnenah mipui duh dan anga, AAI kuta hlan tura hma min laksak kha a ni a, State sorkar hian an duh dan ang hmasa kha an tih leh mai pawh a hlauhawm ta hialin a hriat a ni," a ti.
BJP State Vice President chuan ZPM sorkar chhan sawiin, "ZPM hi MNF Sorkar kal fuh loh vang leh mipuiin thlan tur dang an hriat tawh loh vanga beidawngin kan thlang a. Term 2 tal an Sorkar ang chu kan tih laiin, vawiin-ah hian ZPM chuan mipui beisei ang an phak leh tak si loh ah chuan, Term 2 an sorkar a rinawm ta lohva, chung thil avang chuan Congress Party chu an lo phur ve hle a. BJP beihna tur mumal hre lo chungin, mipui thluak suk nan, PM Scheme thar, VB-G-RAM-G chungchang-ah thudik tawk lo hmangin an mi leh sa te bakah Kristian te leh sakhaw dang te thluak suk an tum niin a sawi.
K. Hrahmo chuan Congress Party chu VB-G-RAM-R lampum hi an hrelo nge? G-RAM-G tih an duh loh chuan, a full form, Viksit Bharat – Guarantee for Rozgar and Ajeevika Mission (Gramin) tiin sawi mai se, chuti a nih loh chuan RAM tih an hlauh zel dawn chuan, Computer-a, a Part pawimawh tak, RAM (Random Access Memory) tih pawh an hlauh phah anga, Computers hman lai mek te hian a tawrh phah mai te pawh a hlauhawm a. Chuvangin, Politics tih vanga dawt hmanga mipui thluak suk hi kan bansan a, thil tak tak kan buaipui a hun ta a ni," a ti.
