ZPM-in kan ram an hruai zel chuan kan ngaihtuahawm hle dawn. Lal Thanzara
Vawiin ni 13.2.2026-a Mizoram Pradesh Congress Committee Political Session-ah ,MPCC President Lal Thanzara chuan thu sawi in, "Bible ah 'Lalpa ah chuan lawm rawh u, ka ti lehpek thin ang lawm rawh u.' tih kan hmu a, Congress party hian Pathian chungah lawmna tur kan ngah hle mai. India ram lo hruai tawhtu mi tha tak tak Congress party min pe a, kan ramah pawh ram hruaitu tha tak tak leh mi dik tak tak Congress kaltlangin min pe a, Pathian hnenah lawmthu sawi kan ba hle a ni, a ti.
"Congress party in kan ramah ro a rel loh chuan kan ram a ngaihtuahawm thin tiin Lal Thanzara chuan, term kalta MNF sorkarah khan Chief Minister leh vaipa in Airport ah contract an thawk dun a ni awm a, chu Chief Minister chu an hruaitu a la ni reng a, kan ram hruaitu a nih leh chuan kan ram a ngaihtuahawm hle dawn a ni, a ti.
Lal Thanzara chuan, "tuna sorkar lai ZPM hian inthlan hma khan, 'party pahnih sorkarna lo chang tawh ten kum 30 chhung khan engmah an lo ti lo' tih kha auhlaah an hmang a. Thalai tam takin an awih a, an vote dual mai a nih kha. Tuna kan thlen chin an hria, thalai tam takin kan enchhin sualin an hria a, 'kan vote tawh dawnlo' an ti a ni. He mi te hian kan ram an hruai zel anih chuan kan ngaihtuahawm hle dawn a ni, a ti a.
"Airport hralhna a kan tel ve lo te hi lawmna tur a ni, a ti bawk.
