ZPM sorkar kal dan hi mawhphurhna la ngamlo awm dan dik tak a ni. TC. Pachhunga, Ex-MLA
Vawiin February ni 9, 2026 Thawhtanni hian Mizo Hnam Runah chhung inkhawmna neih niin, Pu TC. Pachhunga Ex-MLA, Adviser ni bawk chuan thu sawiin, MNF hi Mizoram tana zalenna sual tura min ruat hi alawmawm a, Zofate te tana thisen leh nunna tam tak hlantute hi engtikah mah theihngilh an ni dawn lo a, abikin Pu Denga hming phei chu a dai tawh dawn lo a ni, a ti.
Pu TC. Pachhunga chuan, ZPM hian MNF leh Congress hlirin rorelna an chelha, heti lo deuh hian kal ang u, tiin mipuiah min enchhin rawh u, tiin an inzuara hneh takin sorkarna an siam a, chak takin hma an la ang chu, tihnaklaiin, an minister leh worker te thusawi apiangin sorkar kal tawhte sawichhiat leh mawhpuh loh chu an thiam lo a, nasa takin opposition party min beia, tuna an kal dan hi mawhphurhna la ngamlo awm dan dik tak a ni, a ti bawk.
Kan kawngpuite hi mi tam takin ZPM sorkar sum sawichhuah atanga siam emaw ti an awm thin, sorkar budget anilo a, central a an dilchhuah anilo a, Cess atang an siam a ni hek lo, MNF sorkar hmasaah Aizawl-Thenzawl road siamtu company thalo tak kha MNF sorkar khan aban a , chuta cheng vbc 43.49 zet mai an chawitir chu bank ah dahin, cheng vaibelchhe 90.60 zetin alo pung ta a, chu chu ZPM sorkarah hian alo chhuak(mature) ta a, tuna kan kawngpui siamna hi MNF sorkar huaisenna leh thawhrimna rah a ni, tih hi ka sawinawn leh duh a ni, a ti bawk.
Pu Tc-a chuan ZPM sorkar chu an sorkar hnua a inthlanna apiangah an tla zar zara, LADC a CEM lakluhni phei chuan bangawng atangin min bih ve dek dek ngam chauh a ni, a ti. "ZPM sorkar huna lun ber tur chu Pûm a ni" tiin an sawi a, Aizawl population pawh kiam chak hle tura an sawi kha, kan pungtual tual thung. CM chuan portfolio a nei dawnlo an tia, tunah hian kan CM hian budget atangin za zelah 34.57 achang a, Minister 8 te chan belhkhawm chu 30.86 a ni thung, kan CM hian Minister 8 te aiin 3.78% in achang tam a ni, ti bawk.
