ZPM Thalai in a thawh 4-nan Sairang - Kawnpui kawng siam an endik leh.
Vawiin ni 19.3.2026 khan ZPM Thalai chuan, a thawh 4-na atan Khamrang-Sairang kawngsiam mek Inspection & Monitoring neih a ni.
ZPM Thalai General Headquarters thuchhuah tarpan danin, kar tina an kalpui mek NH-06 kawng siam Inspection & Monitoring an Vice President Isaac Lallungawia Rokhum hovin an nei leh.
ZPM Thalai chuan, tun dinhmunah 4 Lane in a khawih tel loh tur Khamrang - Sairang hi J Infratech Pvt. Ltd. leh BR Goyal Pvt. Ltd ten enkawlin, Black topping leh Concrete Pavement hmangin kawng an siam mek a, tunhnaiah ruah surin an hna ti khaihlak mahse, April thla chhungin hna hi zawh hman an in beisei a, tun dinhmunah an hna hi 70% zo tawh anga ngaih theih a ni, an ti.
Kawnpui - Sairang kawng hi Mizoram PWD kut ni tawh lo mahse, Mizoram tana chak lakna kawng pawimawh tak a nih avangin, ZPM Thalai General Headquarters chuan kan vil chhunzawm mek zel a ni, an ti bawk.
