ZPM Thalai in JAC on National Highway, Kolasib ngaihdam dil rawh se.. MPYCC
Vawiin khan MPYCC chuan thuchhuah siamin, Kolasib District chhunga tlawmngai pawl hrang hrang intelkhawmin an din Joint Action Committee on National Highway ten NHIDCL chunga an lungawilohna an lantir chungchangah ZPM Thalai Headquarters chuan Opposition Party-te fuihpawrh theiha ngaia demna thu an chhuah chu Congress Thalai chuan mak a tiin, zahthlak a ti tak zet tih an sawi a. A rang thei ang bera JAC on National Highway-te chungah ngaihdam dil turin Congress Thalai chuan a phut tih an sawi bawk.
Congress Thalai chuan, ZPM Sorkarna hnuaiah hian kum 2 chhung Mizoram hmun hrang hrangah inkalpawhna kawngpui a chhe em em vek a, lirthei neitute an mangangin sum leh pai pawh an seng thlawn nasa tawh hle a. Kawng tha duha thahnmengaia hmalatute thlawpa hnehin ZPM sawrkar chuan lirthei khalhtute leh neitute pawh vawi duai lo ti thlabarin lung inah hial a lo khung tawh a ni. Hetih mek lai hian Kolasib District chhunga mipuite mangang au rawl chuan Kolasib Thalaite ko chhuakin, Joint Action Committee on National Highway dinin hma an la ta a. An pute mualphona tur chu ngai ngam lovin ZPM Thalai Hqrs chuan Opposition te fuihpawrh theih kawngzawh tiin an deusawh niin an sawi.
MPYCC chuab, Opposition te fuihpawrh an nih lohzia JAC on National Highway chuan thuchhuah meuh siamin ZPM Thalaite hi na takin an chhanglet hial thu an sawi bawk..
