ZPM Thalai in MP Rajya Sabha tawngvai reng tawh lo turin an ngen
11.3.2026 Vawiin khan ZPM Thalai chuan thuchhuah siamin, MP Rajya Sabha Pu K.Vanlalvena hi tawngvai reng tawh lo turin an ngen .
ZPM Thalai chuan, 10th March 2026 a Rajiya Sabha thutkham Zero Hour-ah MP(RS) Pu K Vanlalvena chuan Aizawl khawpuia Kawngchhawng siam turin Central Sorkar chu a ngen a, MNF Party ten Sorkar-na an chelh tawh loh hnu leh ZPM Sorkar pawh kum 2 a kal tawh hnu thlenga MP(RS) in Kawngchhawng a la aupui hian MNF Sorkar manifesto hlawhchham zia a tarlang chiang hle an ti.
ZPM Thalai chuan, MNF President leh EX CM Pu Zoramthanga'n kawng chhawng a lo kawh thlawn tawh chu a zuk tui thar leh ni a sawiin, Fly-over Lei a zuk sawimawi leh vel hian MNF Party ten Policy Mumal sawitur an neih tawh loh zia a tarlang ah kan ngai an ti bawk.
