ZPM Thalai Sairang leh Buichali kawng siam vil tur inruat, kartin an tlawh dawn.
Vawiin ni 21.2.2026 khan, ZPM Thalai General Headquarters chuan an President Jeje Lalpekhua MLA hovin NH-06, Sairang leh Buichali inkar kawng thawmṭhat hna thawhmek an tlawh.
An thuchhuah tarlan danin, ZPM Thalai President chuan, Zoram mipui châk lakluhna kawngpui, National Highway-06 kawng hi ZPM Sorkar chuan a ngai pawimawh hle a, thawmṭhat hna theih tawpa thawh mêk chu chak zawk leh ṭha taka thawh a nih theih nan ZPM Thalaite chuan kan vil renga, khawpui chhunga kawng siamte pawh kan tlawh tawh a, hna thawktute pawh theih tawp chhuah zel turin kan fuihin kan nawr reng bawk a ni, a ti.
ZPM Thalai President chuan, Kawng siam mêk hi ZPM Thalai chuan kan vil reng dawn a ni' tiin, fur ruahtui tlak hma siam zawh ngei a nih theih nan hma chak tak a la turin Company hotute a hrilh bawk a. Mizoram mipuite tana kawng pawimawh tak an khawih avangin thatak a mipuite duhthusam ang ngei a siam turin kawng siam tute a hrilh a, Company hotute hnenah hian, hnachhia leh rintlak loh a awm chuan ZPM Thalai te chu an ngawih bo pui mai mai dawn lo a. ZPM Thalai General Headquarters' atangin kawng siam viltu tur inruatin, kartin kan tlawh dawn che u a ni " a ti bawk.
ZPM Thalai hi Ministry of Transport & Highway hnuaia awm National Highways -06 enkawltu National Highways & Infrastructure Development (NHIDCL) leh an hnuaia thawk BALAJI, BR Goyal leh J.Infratech Private Limited (JANDU) te niin, Sairang to Buichali Kawng khawihtu J.Infratech Pvt Ltd (JANDU) te nen an hmalakna te an en ho a ni.
