Central a an hotu te thurawn anga Vote kan thlak lo. Vairengte pel lo MP neih hian awmzia a neih thui lo. K. Hrahmo MLA
BJP Mizoram chuan vawiin 19th June 2026,(Friday) hian, AWARENESS CAMPAIGN ON EDIBLE OIL CONSERVATION PROGRAM chu BJP Mizoram State Office Mipui Run, Upper Republic ah an nei. Resource Person turin Lalremsangi Fanai BJP Mizoram State Jt Treasurer, Zohmingthangi, Local Council Member, Upper Republic ten Edible Oil chungchang sawina hun an nei a ni.
K. Hrahmo, MLA, State Core Group Member pawh in thu sawiin, Rajya Sabha MP thlan thar K. Laltluangkima a lawmpui thu sawiin, a kal zelna tur ah duhsakna a hlan thu a sawi bawk.
K. Hrahmo chuan Rajya Sabha MP thlan chungchangah BJP MLA ten Vote kan thlak loh chhan chu, Central a an hotu te thurawn anga kal an nih thu a sawi a, chumi piah lamah BJP Candidate nilo kan thlan leh dawn tho avang leh Vairengte pel lo MP neih hian awmzia a neih thui loh avangin a ni pakhat a, MP awmze thui tak nei Dr. C. Silver-a ang kha Mizoram hian kan nei ve thei a, chutiang MP kan neih theih hun kan nghakhlel em em a ni a ti.
